للمطورين
العميل اللي هيلغي، خليه ينقل.
عقار تراست بتنقل عقود وحداتك من عميل لعميل بالمدفوع بالظبط، والمشتري بيكمّل الأقساط معاك.
إلغاء أقل
العميل اللي مش قادر يكمّل بيلاقي مشتري يكمّل الأقساط بدل ما يلغي. إنت بتفضل تحصّل الأقساط في مواعيدها، ومش بتدخل في استرداد وإعادة بيع.
سوق ثانوي مايكسرش أسعارك
اللي بينقل تعاقده عندنا مايقدرش يطلب أكتر من اللي دفعه، ومايقدرش يحرق السعر برّه. المشتري بيكمّل بسعر التعاقد الأصلي، وسعر قائمتك الحالية بيفضل ظاهر جنبه كمرجع.
مشترين متحقق منهم
كل مشتري داخل برقم موبايل متأكد منه، وبنعرف قدرته على الكاش والقسط قبل ما نوصله للبايع.
ملف كامل قبل ما يوصلك
العقد والإيصالات متراجعين، والأرقام متطابقة، وخطوات النقل متسجلة. طلب التنازل بيوصلك جاهز.
شروطك واضحة للكل
رسوم التنازل، أقل نسبة سداد، ومدة الموافقة بتظهر على كل وحدة من مشروعاتك، فمفيش صفقة بتقع في الآخر بسبب الرسوم.
صفحة لكل مشروع
مشروعاتك ووحداتها المعروضة ومتوسط سعر المتر في صفحة واحدة بتظهر في البحث.
الشراكة فيها إيه
- تأكيد التعاقد: بنبعتلك كود الوحدة وتأكد إن التعاقد سليم ومفيش متأخرات، والوحدة بتاخد شارة «مؤكدة من المطور».
- شروط التنازل مكتوبة منك، بتظهر كـ«مكتوب من المطور» بتاريخ آخر تأكيد.
- نقطة تواصل واحدة لطلبات التنازل، ومتابعة كل طلب لحد ما العقد يتسجل باسم المشتري.
- المطور مابيدفعش لنا حاجة. عمولتنا 1.25% بيدفعها المشتري.