صفقة واحدة، طرفين، وفريق بينهم.

إحنا مش لوحة إعلانات. البايع والمشتري مابيتكلموش مع بعض على المنصة — إحنا بنكلم الطرفين، بنراجع الورق، وبنمشي لحد التوقيع.

لو بتبيع

بتخرج من تعاقدك، مش بتخسره.

01
تقولنا أرقام عقدك
سعر الوحدة، اللي دفعته، والأقساط الباقية. خمس دقايق، ومن غير مستندات في الأول.
02
نراجع المستندات
العقد، الإيصالات، وكشف حساب المطور. اللي مانقدرش نتأكد منه مابياخدش شارة التوثيق.
03
نتأكد من المطور
إن النقل ممكن على الوحدة دي، وإيه الشروط والرسوم اللي بيطلبها.
04
ننشر الوحدة
بالسعر اللي دفعته بالظبط. مفيش أوفر — ودي مش شعار، النظام نفسه مش بيقبل رقم أعلى.
05
نجيبلك مشتري
ونمشي مع الطرفين في ورق التنازل لحد التوقيع عند المطور.
06
تقبض
كاش، عند إتمام النقل. البايع مابيدفعش أي عمولة.

لو بتشتري

01
تسجّل قدرتك
الكاش اللي معاك دلوقتي وأقصى قسط تقدر عليه. بنطابقك على الوحدات اللي تنفع فعلاً.
02
تشوف الأرقام كاملة
الكاش المطلوب، عمولتنا، المتبقي للمطور، والقسط. مفيش رقم مخفي بيظهر بعدين.
03
تتأكد من السعر
كل وحدة بنوريك سعر المتر فيها هو فين من الوحدات المشابهة في نفس المنطقة.
04
تطلب الوحدة
الطلب بيوصل لفريقنا، مش لسمسار. إحنا اللي بنكلم البايع.
05
تعاين وتتفاوض
بوجودنا. ولو البايع كاتب إنه قابل للتفاوض، بنقولك على النطاق الواقعي.
06
تكمّل التعاقد
بتوقّع النقل عند المطور وتكمّل الأقساط بسعر التعاقد القديم. عمولتنا 1.25% بتتدفع هنا بس.

الفلوس

ولا حاجة. مفيش رسوم إدراج، مفيش عمولة، مفيش خصم من اللي بتقبضه.

1.25% من قيمة التعاقد، بتتدفع عند إتمام النقل بس. لو الصفقة مامشيتش، مفيش أي رسوم.

أغلب المطورين بياخدوا رسوم تنازل على الوحدة. بنقولك قيمتها قبل ما تلتزم بأي حاجة.

رسوم التنازل بتختلف من مطور لمطور ومن مشروع لمشروع، وإحنا مابنحددهاش. بنسألهم وبنبلغك بالرقم قبل التوقيع.

المساعد بيرد على طول، والفريق بيتابع بنفسه.

أسئلة