التحقق
الشارة معناها إيه بالظبط
الشارات بتتدي بعد ما فريقنا يراجع كل بند من دول. اللي مانقدرش نتأكد منه مابياخدش شارة.
مستندات موثقة
- صورة العقد الأصلي مع المطور، كل الصفحات، والاسم عليه هو اسم صاحب الحساب أو معاه توكيل.
- إيصالات كل الدفعات أو كشف حساب من المطور، ومجموعها بيساوي «المدفوع» المكتوب في الإعلان.
- المتبقي وعدد الأقساط وقيمتها متطابقين مع جدول السداد في العقد.
- المطلوب كاش مش أعلى من المدفوع (النظام بيرفض غير كده أصلاً).
- بطاقة صاحب العقد، ورقم الموبايل اتأكد منه بكود.
مؤكدة من المطور
- المطور أكد كتابةً إن التعاقد موجود باسم البايع.
- مفيش متأخرات على الوحدة وقت التأكيد، أو المتأخرات مكتوبة في الإعلان.
- النقل مسموح على الوحدة دي، وبأي رسوم (بتظهر في «شروط التنازل»).
جاهزة للنقل
- الشرطين اللي فوق متحققين.
- البايع موافق على السعر ومستعد يمضي عقد التنازل خلال أسبوعين من وقت ما المشتري يتفق.
اللي مش بنتحقق منه
- مش بنعاين الوحدة نفسها ولا نقيّم حالة التشطيب.
- مش بنضمن ميعاد التسليم؛ ده التزام المطور.
- مش بنعمل بحث قانوني كامل على الأرض أو ترخيص المشروع.
- الشارة بتعكس وقت المراجعة. لو حاجة اتغيرت بعدها (متأخرات جديدة مثلاً) بنحدّث الإعلان أول ما نعرف.